ТЎҚИМАЧИЛИК КОРХОНАСИНИНГ БАРҚАРОР РИВОЖЛАНИШИДА ИМКОНИЯТЛАР ВА НАТИЖАЛАРНИ МУВОЗАНАТЛАШТИРИШ ТИЗИМИНИ ЖОРИЙ ЭТИШНИНГ АҲАМИЯТИ

Abstract

Республикамизда мустақилликнинг дастлабки йилларидан бошлаб, халқ хўжалигининг барча соҳаларида, жумладан тўқимачилик саноатида ҳам амалга оширилаётган иқтисодий ислоҳотлар янада чуқурлаштиришга йўналтирилмоқда. Ушбу соҳада олиб борилаётган иқтисодий сиёсат, тармоқ ишлаб чиқаришида таркибий ўзгаришларни амлга ошириш, маҳсулот ишлаб чиқарувчилар эркинлигини таъминлаш, мулкчиликнинг турли шаклларини жорий қилиш ҳамда хўжалик, ташкилот ва корхоналар ўртасида моддий-техника таъминоти, молиявий-иқтисодий ўзаро муносабатларни такомиллаштиришга катта эътибор берилмоқда. Ўзбекистонда пахта хомашёсини чуқур қайта ишлаш асосида юқори қўшилган қийматли экспортбоп тайёр маҳсулот турларини ишлаб чиқариш ҳажмини ошириш зарурати ортиб бормоқда.